٥
ادمن يراتلشنن کتابي بلەدر۔ اللە ادمي يراتدي و اونو اللهن صورتندە يراتدي۔ ٢ اونلري ارکک و ارواد يراتدي و اونلري برکتلەدي و يراتديي گون اونلره إنسان إسمني قويدي۔٣ و ادم يوز اوتوز سنە ياشەدي و گندنە بنزيان بير اوغلو اولدي و اونن إسمني شيث قويدي۔ ٤ و ادمن اوغلو شيث، اولدخدن سونرا سکيز يوز سنە دها ياشەدي و اونن ارکک و قز اوشاخلري اولدي۔ ٥ ادم دوخوز يوز اوتوز سنە ياشەدخدن سونرا اؤلدي۔
٦ و شيث يوز بش سنە ياشەدي و اونن انوش إسمنده بير اوغلو اولدي۔ ٧ و شيثن اوغلو انوش اولدخدن سونرا سکيز يوز يدي سنە ياشەدي و اونن ارکک و قز اوشاخلري اولدي۔ ٨ و شيث دوخوز يوز اون إکي سنە ياشەدخدن سونرا اؤلدي۔ ٩ و انوش دوخسان ياشنه گيردکدن سونرا قينان إسمنده بير اوغلو اولدي۔ ١٠ انوشن اوغلو قينان اولدخدن سونرا سکيز يوز اون بش سنە دها ياشەدي و اونن ارکک و قز اوشاخلري اولدي۔ ١١ انوش دوخوز يوز بش سنە ياشەدخدن سونرا اؤلدي۔
١٢ قينان يتمش ياشندە اولدخدن سونرا اونن مهللئيل إسمندە بير اوغلو اولدي ١٣ و قينانن مهللئيل إسمندە اوغلو اولدخدن سونرا سکيز يوز قرخ سنە ياشەدي و اونن ارکک و قز اوشاخلري اولدي۔ ١٤ قينان دوخوز يوز اون سنە ياشەدخدن سونرا اؤلدي۔ ١٥ و مهللئيل التمش بش سنە ياشەدي و اونن يارد إسمندە بير اوغلو اولدي۔ ١٦ مهللئيلن يارد إسمندە اوغلو اولدخدن سونرا سکيز يوز اوتوز سنە ياشەدي و اونن ارکک و قز اوشاخلري اولدي۔ ١٧ مهللئيل سکيز يوز دوخسان بش سنە ياشەدخدن سونرا اؤلدي۔ ١٨ يارد يوز التمش إکي ياشنه گيردکدن سونرا اخنوخ إسمندە بير اوغلو اولدي۔ ١٩ و ياردن اوغلو اخنوخ اولدخدن سونرا سکيز يوز سنە دها ياشەدي و اونن ارکک و قز اوشاخلري اولدي۔ ٢٠ يارد دوخوز يوز التمش إکي سنە ياشەدخدن سونرا اؤلدي۔
٢١ اخنوخ التمش بش ياشنە گيردکدن سونرا متوشالح إسمندە بير اوغلو اولدي۔ ٢٢ و اخنوخن متوشالح إسمندە بير اوغلو اولدخدن سونرا اوچ يوز سنە اللەدن برابر يريدي و اونن ارکک و قز اوشاخلري اولدي۔ ٢٣ اخنوخ اوچ يوز التمش بش سنە ياشەدي۔ ٢٤ اخنوخ اللەدن برابر يريدي و غايب اولدي۔ چونکو اللە اونو گندي ياننە الدي۔ ٢٥ متوشالح يوز سکسان يدي ياشنە گيردکدن سونرا لامک إسمندە بير اوغلو اولدي۔ ٢٦ و ماتوشلحن لامک إسمندە بير اوغلو اولدخدن سونرا يدي يوز سکسان إکي سنە دها ياشەدي و اونن ارکک و قز اوشاخلري اولدي۔ ٢٧ متوشالح دوخوز يوز التمش دوخوز سنە ياشەدخدن سونرا اؤلدي۔
٢٨ لامک يوز سکسان إکي ياشنە گيردکدن سونرا بير اوغلو اولدي۔ ٢٩ و اونن إسمني نوح قويدي و ﴿بو اوغلان ربن لعنت اتديي بو طُپراخده، بزم إيشلرمز و اللرمزن عذابي إيچن بزه تسللي اولجي۔﴾ ددي ٣٠ و لامکن نوح إسمنده اوغلو اولدخدن سونرا بش يوز دوخسان بش سنە دها ياشەدي و اونن ارکک و قز اوشاخلري اولدي۔ ٣١ لامک يدي يوز يتمش يدي سنە ياشەدخدن سونرا اؤلدي۔
٣٢ و نوح بش يوز ياشنە گيردکدن سونرا اونن سام و حام و يافث إسملرندە اوغلولري اولدي۔