٤
اي إسرائيلن اوشاخلري ربن سوزنو دينلەين چونکو ربدن دونيادە ياشيانلرن اورتەسنده بير محکمه وار چونکو دونيادە نە گرچک و نە رحمت و نە اللهن معرفتي وار۔ ٢ بالعکس لعنت و يالان و قتل و خرخزلخ و زناکارلخ وار۔ و ظلم اديولر و قان اوستنە قان دوکيولر۔ ٣ بو إيچن دونيا ياس توتيو و اوردە ياشيان هرکز چؤلن حيوانلرندن و سمانن قوشلرندن ضعيف اولجيلر و دنيزن بالخلري دە محي اولجي۔٤ اما هيچ کيمسە اتشماسن و کيمسە حکم اتماسن۔ چونکو سنن ملتن کاهنلردن اتشانلره بنزيولر۔ ٥ و سن گوندز يخلجن و نبي دە سندن برابر گجە يخلجي و بن سنن اناني محي ادجم۔ ٦ ملتم aمعرفتسزلکدن محي اولمش۔ چونکو سن معرفتي ترک اتدن، بن دە سني ترک اتدم کي سن بنم کاهنم اولميجن۔ چونکو اللهنن شريعتني اونوتدُن و بن دە سنن اوشاخلرني اونوتجم۔ ٧ بونلر چوخالدخلري قدر عينا شکلده بنە گوناە اتديلر۔ بو إيچن اونلرن شريفني عيبه دؤندرجم۔ ٨ ملتمن گوناهني گنديلري إيچن يمک اتديلر و يورکلرني اونلرن اطاعتسزلخلرنه مشغول اتديلر۔ ٩ و ملت نصلسه کاهنلر دە عينادر و اونلرن يوللرنن قارشيلخني و ياپدخلرنن جزاسني اونلره ويرجم۔ ١٠ و ييجيلر اما دويميجيلر و زنا ادجيلر اما چوخالميجيلر چونکو ربە تاپمەيي ترک اتمشلر۔
١١ زنا و شراب و بکماز اونلرن عقلني اليو۔ ١٢ ملتم گندي اغاچندن سؤال اديو و اونلرن داينگي اونلره خبر ويريو۔ چونکو فاحشەلک روحو اونلري يولدن چيخارمش و اللەلرندن دؤنمشلر و زنا اتمشلر۔ ١٣ داغلرن اوجنده قوربان کاسيولر۔ و يخوشلردە پالت و قواق و قَرە اغاچلرن گوزال کولگەسنن التندە بخور ياخيوديلر۔ بو إيچن قزلرنز زنا اديولر و گلينلرنز فاحشەلک ياپيولر۔
١٤ بن قزلرنزي زنا اتدکلري زمان وگلينلرنزي فاحشەلک اتدکلري زمان جزالِەندرميجم چونکو گشيلري زنا ادانلردن اويناشيولر۔ فاحشەلردن قوربان کاسيولر۔ بو إيچن فهمسز ملت محي اولجي۔
١٥ اي إسرائيل سن اگر زنا ادرسن يهودا خطالي اولماسن۔ جلجالە گتماين و بَيت أونە گيرماين و ياشيان ربە يمن اتماين۔ ١٦ صح کي إسرائيل دينلەميان اوکوز کمي اطاعتسزلخ اتمش۔ شندي رب اونلري قوزولر کمي يايلمە يرنده يايدرجي۔ ١٧ أفرايم صنملرە ياپشمش بو إيچن اونو قوارتن! ١٨ اونلرن إيچکلري بتدکدن سونرا زنا اديولر و اونلرن حاکملري بهدللخي چوخ سئويولر۔ ١٩ يئل اونلري قنادلرنه باغليجي و اونلر گندي قوربانلرندن اوتانجيلر۔