هوشع
١
ربن سوزو عُزيا و يوثام و آحاز و حزقيايە يعني يهودانن قراللرنه و إسرائيلن قرالي يواش اوغلو يربعامن گوننده بئيري اوغلو هوشعە إيندي۔٢ ربن هوشعه سويلەديي سوزن اوَلي بلەدر۔ رب هوشعه ﴿گت و بير فاحشه ارواد ال و زنا اوشاخلرن اولسن چونکو بو ولايت ربدن دؤنمش و چوخ زناکار اولمش۔ ٣ بو إيچن گتدي و دبلايمن قزي جومري الدي و او يوکلو اولدي و اونە بير اوغلان دوغردي۔ ٤ و رب اونە ﴿اونن إسمني يزراعيل قوي چونکو بن بير از سونرا يزرعيلن قانينن حايفني ياهونن ائوندەکيلردن الجم و إسرائيلن ائوندەکيلرنن حکومتني بترجم۔ ٥ و او گونده إسرائيلن رامحني يزراعيلن درەسنده قرجم۔﴾ ددي
٦ و گنە يوکلو اولدي و بير قز دوغردي و رب اونە ﴿اونن إسمني لورُحامە قوي چونکو گنە إسرائيلن ائونە رحمتلي اولميجم و اونلري اصلا عف اتميجم۔ ٧ اما يهودانن ائونە رحمتلي اولجم و اونلري رب اللەلرندن قورتارجم و اونلري رامحدن و قلنچدن و حربدن و اطلردن و اطليلردن قورتارميجم۔﴾ ددي ٨ و جومر لورُحامەيي سوتدن کاسدي و يوکلو اولدي و بير اوغلان دوغردي۔ ٩ و او ﴿اونن إسمني لوعمي قوي چونکو سز بنم ملتم ديلسنز و بن دە سزن ديلم۔
١٠ اما إسرائيلن اوشاخلرنن صايسي دنيزن قومو کمي اولجي کي اؤلچلماز و صايلماز و سز بنم ملتم ديلسنز سويلەنان يرده سز ياشيان اللهن اوشاخلريسنز۔﴾ سويلەنجي۔ ١١ و يهودانن اوشاخلري و إسرائيلن اوشاخلري برابر توپلانجيلر و گنديلري إيچن بير رئيس تعين ادجيلر و او ولايتدن چيخجيلر چونکو يزراعيلن گونو عظيم بير گون اولجي۔