١ وانلرڭ بتون جمەوری قالقوب انی پیلا طوسە كوتوردیلر۔٢ وانی اتهام ایتمكە باشلایوب بونی ملتی آزدرمقدە وبن مسیح ملك ایم دیەرك قیصرە خراج ویر مكدن منع ایتمكدە بولدق دیدیلر۔٣ وپیلاطوس اڭا یهودیلرك ملكی سنمی سین دیو سؤال ایلدكدە او دخی اڭا جواباً سویلدیكك كبیدر دیدی۔ ٤ وپیلاطوس باش كاەنلر ایلە خلقە بوادمدە هيچ بر جرم بولما یورم دیدی ۔ ٥ اما انلر اصرار ایدە رك جلیلدن باشلایوب تا بورایە قدر بتون یهودیە دە تعلیم ایلە قومی تحریك ایدیور دیدیلر ۔ ٦ وپیلاطوس جلیل لفظنی ایشیتمكلە اول ادم جلیلومبدو دیو سؤال ایدوب ۔ ٧ ھیرودسك حكومتی دائرە سندن اولدیغنی اكلا دقدە ەیرودس اول كونلردە اور شلیمدە بولندیغی جەتلە انی اُنڭ یاننە كوندردی۔٨ وەیرودس عیسایی كورد كدە زیادە سیلە مسرور اولدی زیرا اُنڭ حقندە چوق شیلر ایشیتدیكی ایچون انی خیلی زماندنبرو كورمك استیە رك اُنڭ الیلە اجرا اولنان بر علامت مشاەدە ایتمك امیدندە ایدی ۔ ٩ واڭا چوق سوزلرلە سؤال ایتدی ایسە دە بر جواب ویرمدی ۔ ١٠ وباش كاەنلر ایلە علما طوروب انی شدتلە اتهام ایدرلرایدی۔١١ ەیرودس دخی عسكرلری ایلە برابر انی تحقیر و استەزا ایتد كدن صڭرە اڭا پارلاق برلباس كیدروب پیلاطوسە كیرو كوندردی۔١٢ واولكوندە پیلاطوس ایلە ەیرودس بری بری ایلە دوست اولدیلر زیرا مقدما ارالراندە عداوت وار ایدی۔١٣ وپیلاطوس باش كاھنلر ورئیسلز ایلە قومی بریرە جمع ایدوب انلرە خطاباً ۔ ١٤ بو ادمی خلقی آزدریور دیو بكا كتوردیكز واشتە بن سزڭ حضور كزدە تفتیش ایدوب بو ادم علیەندە شكایت ایتدیككز شیلردن بر جرم اندە بولمادم ۔ ١٥ نە دە ەیرودس بولدی زیرا سزی اُنڭ یاننە كوندردم ایسە دە اشتە اُنڭ الیلە قتلە مستحق برشی یاپلمامشدر ۔ ١٦ بو اجلدن انی تأدیب ایتدكد نصڭرە صالیویرە یم دیدی ۔ ١٧ وھر بیرا مدە انلرە بركیمسە صالیویرمسی لازم ایدی۔١٨ وجملەسی بردن بونی قالدر و باراباسی بزە صالیویر دیو باغر دیلر۔١٩ بو كیمسە دخیشهرد وقوع بولمش بر اختلال وقتل ایچون حبسخانە یە آتلمش ایدی ۔ ٢٠ ایمدی پیلاطوس عیسایی صالیویرمك استمكلە تكرار كلام ایراد ایلدی ایسە دە ٢١ انلر صلب ایلە انی صلب ایلە دیو باغر رلر ایدی ۔ ٢٢ او دخی او چنجی دفعە اولە رق انلرە یا بو ادم نە كوتولك ایشلدی اندە قتلی موجب برجرم بولمادبغم جەتلە انی تأدیب ایتدكدنصڭرە صالیویرە یم دیدی ۔ ٢٣ اما انلر عظیم صداالرلە اصرار ایدە رك اُنڭ صلب اولنمسنی طلب ایدرلر ایدی وانلرڭ وباش كاەنلرك صدالری غالب كلمكلە ۔ ٢٤ پیلاطوس مطلوبلر ینك اجراسنە حكم ایتدی ۔ ٢٥ شویلە كە اختلال وقتل ایچون محبوس بولنوب طلب ایتدكلری كیمسە یی انلرە صالیویردی و عیسایی انلرڭ مرادینە تسلیم ایتدی۔٢٦ انلر دخی انی كوتورر ایكن تارلادن گلان سمعون نامندە قرینالو بركیمسە یی طوتوب خاچە ایسانڭ آردی صرە كوتورمك ایچون اُنڭ اوزرینە قودیلر ۔ ٢٧ وكرك خلقدن وكرك اُنڭ ایچون اغلایوب دوكنان قاریلردن بر بیوك جماعت آردی صرە كیدر ایكن ۔ ٢٨ عیسی مرقومەلرە دونوب ای اورشلیم قیزلری بنم ایچون اغلامایكز آنجق كندوكز ایلە اولادكز ایچون اغلایكز ۔ ٢٩ زیرا اشتە نە موتلو عاقرلرە وطوغورمامش رحملرە وامزرممش ممەلرە دیە جكلری كونلر كلیور ۔ ٣٠ اوزمان طاغلرە اوزرمزە دوشكز وبایرلرە بزمی اورتكز دیمكە باشلایە جقلر ۔ ٣١ زیرا اكر یاش اغاجە بوشیلری ایدرلر ایسە قورویە نە اولە جقدر دیدی۔٣٢ وانڭ ایلە برابر قتل اولنمق اوزرە دیكر ایكی مجرم كوتورلدی۔٣٣ وقفا دینلان محلە كلدكلرندە اورادە انی و بری صاغندە واولبری صولندە اولە رق اول مجرملری خاچە كردیلر ۔ ٣٤ عیسی دخی ای پدر انلری عفو ایلە زیرا نە یا پد قلرینی بیلمزلر دیدی والبسە سنی قرعە آتە رق تقسیم ایتدیلر ۔ ٣٥ خلق دخی طوروب سیر ایدە رك انلر ایلە برابر رئیسلر دخی انی استەزا ایدوب غیریلرینی قورتاردی اكر اللهڭ منتخبی اولان مسیح ایسە كندی كندینی قورتارسون دیرلر ایدی۔٣٦ وعسكرلر دخی یاقلاشوب اڭا سركە صونە رق٣٧ اكر یهودیلرڭ ملكی سن ایسە ك كسدیكی قورتار دیوانی استەزا ایدرلر ایدی۔٣٨ وانڭ اوررندە یونانی ولاتینی و عبرانی حرفلرلە بو یهودیلرڭ ملكیدر دیو بار یلو بر یافتە وار ایدی۔٣٩ وآصلمش مجرملرك بری اڭا كفر ایدوب اكر سن مسیح ایسە ك كنددیكی وبزی قورتاردیدی ۔ ٤٠ ودیكری جواب ویروب انی تكدیر ایدە رك سن همان اول محكومیت آلتندە ایكن اللەدن قورقماز میسین٤١ وبز حق اوزرە محكوم ایز زیرا عمللرمزك جزا سنی چكیورز اما بو ادم یولسز بر حر كتدە بولنمادی دیدی ۔٤٢ وعیسایە خطاباً یا رب ملكوتكدە كلدیكك وقت بنی تذكر ایلە دیدی ۔ ٤٣ عیسی دخی اڭا حقیقۃً سكا دیر مكە بو گون بنم ایلە برابر جنتدە اولە جقسین دیدی۔٤٤ وساعت آلتی رادّەلرندە ایدی وساعت طقوزە دك بتون یر اوزرندە قراڭلق اولوب ۔ ٤٥ كونش قراردی وەیكلك پردە سی اورتە سندن یرتلدی ۔٤٦ وعیسی یوكسك سسلە فریاد ایدوب ای پدر روحمی سنڭ اللركە تسلیم ایدرم دیدی ۔ وبونی سویلیوب تسلیم روح ایتدی ۔٤٧ ویوزباشی واقعە یی كورد كدە اللهە حمد ایدوب حقیقۃً بو ادم صالح ایدی دیدی ۔ ٤٨ و بونی تماشا ایچون جمع اولان بتون خلق واقع اولان شیلری گورمكلە كوكسلرینی دوكە رك عودت ایتدیلر۔٤٩ وجملە آشنالری و جلیلدن اُنڭ آردی صرە گلان قاریلر بوشیلری كورەرك اوزاقدن طوریولر ایدی۔٥٠ واشتە یهودیلرك اریماتیا نام شهر ندن اولوب شوری اعضاسندن٥١ وفقط مشورت وفعللرینە رضا ویرمە مش اولان یوسف اسمندە صالح وعادل وملكوت اللهە منتظر برادم ۔ ٥٢ پیلاطوسك یاننە گیدوب عیسانڭ جسدینی طلب ایلدی ۔ ٥٣ وانی ایندروب بركتان بزینە صاردی وانی قیادە اویولمش و هيچ بر وقت كیمسە قونلمامش برقبر ایچنە قودی۔ ٥٤ واول گون تدارك گونی اولوب سبت گونی دخی یاقلاشیور ایدی۔٥٥ و جلیلدن اُنڭ ایلە برابر گلان قاریلر آردی صرە واروب قبری وانڭ جسدینك نصل قونلدیغنی كوردیلر ۔ ٥٦ و دونوب بەارلر وخوش رایحە لو یاغلر حاضر لا یوب امر موجبنجە سبت كونندە استراحت ایتدیلر۔