١ وسبت گونی كچدكدنصڭرە مجدلی مریم ویعقوبك والدەسی مریم ایلە سالومی گلوب اڭا سورمك اوزرە بەارلر صاتون آلمش اولملریلە ٢ ھفتە نك ایلك گونی صباحلاین كونش طوغارایكن قبرە گلدیلر ٣ وبری برینە قبرك قپوسندن طاشی بزە كیم یوارلایە جقدر دیورلرایدی٤ (وباقدقلرندە طاشی یوارلنمش كوردیلر)زیراپك بیوك ایدی ٥ وقبرە كیردكلرندە بیاض لباس كیمش صاغ طرفدە اوتورربرنوجوان كورملریلە حیران اولدیلر ٦ اودخی انلرە حیران اولمایكز سز صلب اولنمش ناصرتلوعیسایی آرایورسكزقیام ایتدی۔ بورادەدكلدر اشتە انی قودقلری یر٧ لكن سز گیدوب اُنڭ شاكردلری ایلە بطرسە اوسزدن اوّل جلیلە وارە جق سزە دیدیكی كبی انی اورادە كورە جكسكزدییكز دیدی ٨ وقبردن چیقوب قاچدیلر۔ وكندیلرینی دترە مە وحیرت آلمغلە قورقولرندن ھیچ بر كیمسە یە برشی سویلمدیلر۔٩ وعیسی ھفتە برنجی كونندە صباحلاین قیام ایتدكدنصڭرە اوّلادرونندن یدی جن چیقارمش اولدیغی مخدلی مریمە كورندی ١٠ مرقومە دخی گیدوب مقدماانڭ ایلە برابر اولانلرە یأس چكوب آغلامقدە اولدقلری حالدە خبرویردی ١١ انلرایسە اُنڭ دیری اولوب بوكاكورندینی ایشیتدكلرندە اینانمادیلر۔١٢ وبوندنصڭرە انلرڭ ایكیسنە بوكویە یورویە رك كیدرلرایكن بشقە ھیئتدە كورندی ١٣ انلر دخی واروب سائرلرە خبرویردیلرایسە دە بونلرە دخی اینانمادیلر۔١٤ اُندن صڭرە اون برلرە سفرە دە اوتوررلرایكن كورینوب قیام ایتمش اولدیغنی كورنلرە اینانمادقلرندن طولایی ایمانسزلقلری وقلبلرینك قاتیلغی ایچون انلری تعزیرایلدی۔١٥ وانلرە دیدیكە بتون دنیایە گیدوب ھرمخلوقە بشارتی وعظ ایدڭز۔١٦ ایمان ایدوب وافتیز اولنان خلاص بولە جق وایمان ایتمیان علیھنە حكم اولنە جقدر ١٧ وایمان ایدنلرایلە شوعلامتلر برابربولنە جق یعنی بنم اسمملە جنلرچیقارە جقلر یكی لسانلرسویلیە جكلر ١٨ ییلانلر طوتە جقلرومھلك شی ایچسە دخی اصلا انلرە ضررویرمیە جك خستەلر اوزرینە اللرینی قویە جقلر انلردخی شفا بولە جقدر۔١٩ ایمدی رب[عیسی]انلرە سویلد كدنصڭرە سمایە رفع اولنوب اللھك صاغندە جلوس ایتدی ٢٠ انلردخی چیقوب ھریردە وعظ ایدرلر ایدی رب دخی انلر ایلە عامل اولوب برابربولنان علامتلر واسطەسیلە كلامی اثبات ایدر ایدر۔آمین۔